الجزء السادس
- شو عم تعمل هون تعال
- تعال ما تخاف اللي ابن مين إنتي
–أنا جدي آبو اسماعيل صاحب الدكان اللي جنب المصنع
- ولك حمير اهلك ليش بخلوك تطلع لوحدك وصلت على التماس والله لو مسكوك الكتائب كانوا فرموك تعال معي ليهدى شوي القصف بوديك عن جدك .
— شو اسم جدي
-ولك شو مش بتمتحني صحيح انك فلسطيني جدك اسمه محمود اوم فز ولا.
زرع أحمد أصابعه في يد ذلك المقاتل ، هو بصيص الأمل له ، ينظر إليه، يحلم أن يكون مثله ،عينيه منظار، حاجبه إصرار،صمته طلقات نار،يده كأنها مطرقة .
الأم 60 على كتفة ، يتدلى على صدره جعبته،تلتف خلف ظهره ،على خصره قنبلتي صنوبر والأخرى مدق .
لبسه المموه يغري ذلك الطفل ،الطفل ما يراه يحلم أن يكون مثله، أطفالكم يرون الطبيب والمهندس ،أطفالنا يرون المقاتلين هم قدوتهم .
يدخل أحمد المتراس،حفرة في الأرض يحيط بها أكياس رمليه ،مجموعة من الشباب يتبادلون أطراف الحديث .
- تفــــــــــي يلعن شرفه حافظ الكلب كله بسببه
— لا يا رجال شو نسيت قصة السبت الأسود والأربعة الكتائب اللي اتلوهم
- اسكت أنت من طيز إذا بتفهم
— لا ما شاء الله عنك أنت الفهيم سمعنا يا فحل
- يا سيدي هاي كله عشان الخازوق اللي لبسناه للصاعقة وزي ما أنت عارف هادول فلسطينية محسوبين على سوريا عشان هيك سوريا بدها تكسر راس الفتحاويه حتى بتل الزعتر.
— بحاية الله لكان قصة إغتيال الكلب السفير فرانسيس وين راحت
- بدك الحق وللا إبن عموا شوف يا ابو العريف هاي الأحرار والكتائب وسوريا بطيزهم كمان ما بدهم أي فلسطيني بالشرقيه وكمان خود هالخبرية إسمعتلك إن في واحد إسرائيل هو عم بدير العمليات.
— كمان إسرائيلي ولك إنت لو مرتك سكرت إجريها بتأول الموساد ركبلها إفل بين إجريها.
- سكر نيعك وبلاش هالمسخره كس اخت منظرك في ولد آعد .
الجدال يدور بينهم وأحمد ينصت ، يعجز عن فهم ما يفكرون به، يفكر بجده ، العقاب الذي ينتظره،الحزام
